REGULAE Cancellariae

REGULAE Cancellariae
norma sunt Iudicii Romani in iudicando, valentque per vitam cuiusque Pontificis, cum eo vero moriuntur, Pares, de resignat. Beneficiorum, l. 11. quast. 2. num. 32. Merlinus, Decis. 192. num. 4. etc. Gomefius, ad Regul. Cancellariae, Procem. fol. 8. p. 1. in sin. Eas equens Pontifex, paucissimis immutatis, initiô creationis suae iterum proponit, teste Car. Eman. Vizzaniô, Tract. de mand. Principum, in Prologom. num. 7. Unde Edictis Praetorum eas comparat Franc. Florens, ad tit. de Rescript. Princ. An leges sint generales, an particulares, late idem Gomesius disquirit ad d. Constitut. sed tantum particulares esse, et Curiam solum Romanam tangere, extra vero eam non obligare, docet Albericus Gentilis, de Libr. Iut. Can. c. 2. p. 52. ubi addit, Constitutiones Marchiae Anconitanae, quae Aegidianae appellantur, iusgenerale facere in Statu Ecclesiastico, extra eum autem non valere. Auctor Regularum harum Ioannes XXII. fuit, ut Lud. Gomesius testatur. d. l. ubi ait, illud saris compertum esse, Regulas Cancellariae a Ioanne XXII. initium et originem habuisse ——— nec ante ipsum alius summorum Pontificum invenitur, qui hoc prius tentaverit ———— Licet enim ante temporae illius, Vicecancellarius, Scriptores et Correctores literarum iam constituti essent, nihilominus Regulae Cancellariae nondum compositae fuerant: sed primus omnium Ioannes XXII. tamquam bonus domus suae Paterfamilias eas introduxit. Nec sosum Regulas, sed etiam, ut rem angustam domi iuvaret, lenesiciorum electivorum reservationes et taxas, quibus aestimarantur, invenit. Collegium quoque Scriptorum
Apostolicorum, antea sine ordine vagans, numeris distinxit ————— Quinimo beneficiorum annatas ——— in usum revocavit ———— Rotam novis et saluberrimis statutis ornavit, quae bodie apud nos etiam servantur, et quotannis mitiô audientiarum publice leguntur. Et in summa, ille primus administrationem Iustitiae, cuius Vicecancellarius caput est, quae in Regulis et Rotae ordinationibus consistis, invenit. Quae quidem officia, successores Pontifices indies magis propagârunt. Nam quod ad Regulas attinet, Ioannes XXII. in suis Regulis ihoc tantum egit, Abbreviatores instruere, videlicet quomodo literas in Cancellaria, iuxta supplicationum varias signaluras, deberent expedire; quas summi Pontifices deinde magis auxerunt, usque ad tempora Nicolai Papa V. qui omnium Pontificum primus Praedecessorum utiliores Regulas colligens, ac plures alias iudiclales addens, eas omnes in eo statu, in quo nunc reperiuntur, deduxit. Quem successores usque in hodiernum diem, paucis additis vel immutatis. pro se quisque sunt sequuti. Totius huius harmoniae laus Ioanni debetur. Et paulo post, Illud tamen erit omnibus saeculis memorandum, quod primus omnium Cancellariam et Vicerancellarii dignitatem ac Rotae tribunal illustravit, quae sunt duo in Urbe luminaria et Collegia praestantiora. Nam tres sunt gradus dignit atum principalium, in Urbe, post Papam: prima est Vicecancellarii, qui administrationem Iustitia, Regularum Apostolicarum, ac Constitutionum tutelam et custodiam tenet; circa cuius potestatem speciales Regulae Cancellariae conditae fuerunt. Et multi ex Doctoribus nostris de illo notabiles tractatus scripserunt. Secunda dignitas, est Cameriatus ---- Tertia, maioris Paenitentiaris ---- Primam ad lucem reduxit Ioannes: Secundam Eugenius auxit. Tertiam Benedictus XII. in lucem produxit etc. Hactenus Gomesius, qui Regulas has Cancellariae Commentariis illustravit. Plura vide apud Gerh. von Mastricht ICtum, Hist. Iuris Eccl. num. 373. et sequentibus; cui, si placet, adde Besoldum, de Libris Iuris p. 47. seu c. 8. sub finem.

Hofmann J. Lexicon universale. 1698.

Look at other dictionaries:

  • Roman Curia — • Strictly speaking, the ensemble of departments or ministries which assist the sovereign pontiff in the government of the Universal Church Catholic Encyclopedia. Kevin Knight. 2006. Roman Curia     Roman Curia …   Catholic encyclopedia

  • CANCELLARIA — apud Anglos, summum Angliae dicitur tribunal, si universalem illum Conventum excipias, quem Parlamentum dicunt: in quo Cancellarius singulis, qui rigore Iuris communis se laesos queruntur, ex regula aequitatis subvenit, Cowellus, apud Car du… …   Hofmann J. Lexicon universale

  • Faust Vrančić — (1551, Šibenik – January 17 1617) was a Croatian humanist, philosopher, historian, diplomat, linguist, lexicographer, and inventor. He died in Venice and was buried in Prvić Luka (a village on the island of Prvić near Šibenik).In older sources,… …   Wikipedia

  • Ecclesiastical letter — Ecclesiastical letters are publications or announcements of the organs of Roman Catholic ecclesiastical authority, e.g. the synods, but more particularly of pope and bishops, addressed to the faithful in the form of letters. Letters of the Popes… …   Wikipedia

  • Emil von Ottenthal — (* 15. Juni 1855 in Sand in Taufers; † 5. Februar 1931 in Wien) war ein österreichischer Historiker und Diplomatiker. Der Sohn eines aus einer 1667 nobilitierten Beamtenfami …   Deutsch Wikipedia

  • Ottenthal — Ottenthal, Emil von, Geschichtsforscher, geb. 15. Juni 1855 zu Sand Taufers in Tirol, studierte in Innsbruck, Wien und Berlin Geschichte unter Ficker und Sickel, war 1880–82 Mitarbeiter an den »Monumenta Germaniae historica«, habilitierte sich… …   Meyers Großes Konversations-Lexikon

  • ИОАНН XXII — (1244/45, Кагор (Каор), Юж. Франция 4.12.1334, Авиньон, там же; до избрания папой Жак Дюэз), папа Римский (с 7 авг. 1316) в период «Авиньонского пленения пап». О родителях Дюэза ничего не известно; по мнению нек рых исследователей, буд. папа… …   Православная энциклопедия

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.